Լուսինեն ունի նեղ մասնագիտացված փորձառություն կորպորատիվ, աշխատանքային և մտավոր սեփականության իրավունքի ոլորտներում՝ համատեղելով գործարքների իրականացման գործնական փորձը իրավաբանական խորհրդատվության պրակտիկ և հաճախորդամետ մոտեցման հետ: Նա խորհրդատվություն է տրամադրում հաճախորդներին իրավական հարցերի լայն շրջանակում՝ հատուկ շեշտադրում կատարելով կորպորատիվ փաստաթղթերի ու պայմանագրերի մշակման և վերանայման, մտավոր սեփականության պորտֆելների կառավարման (ներառյալ ապրանքային նշանների գրանցումը), ինչպես նաև կորպորատիվ և աշխատանքային իրավունքի բարդ խնդիրների վերաբերյալ հիմնավորված ու համակողմանի իրավական կարծիքների պատրաստման վրա:
Նախքան թիմին միանալը, Լուսինեն կատարելագործել է աշխատանքային իրավունքի իր գիտելիքները միգրացիոն և աշխատանքային իրավունքի մեջ մասնագիտացված փաստաբանական գրասենյակում, որտեղ զարգացրել է ամուր մասնագիտական փորձառություն աշխատանքային իրավունքի ամենապահանջկոտ ուղղություններից մեկում՝ օտարերկրյա անձնակազմի աշխատանքի թույլտվությունների և միգրացիոն համապատասխանության (compliance) ապահովման գործում: Մտավոր սեփականության գրանցման և խորհրդատվական աշխատանքներին զուգահեռ՝ նա զգալի փորձ ունի ծառայությունների մատուցման և մատակարարման պայմանագրերի, աշխատանքային պայմանագրերի, ինչպես նաև ներքին ՄՀ (HR) քաղաքականությունների և կորպորատիվ կառավարման փաստաթղթերի ամբողջական փաթեթի մշակման ու վերանայման գործում, որոնց անհրաժեշտությունն ունեն ժամանակակից գործատուները:
Լուսինեն ստացել է իրավագիտության բակալավրի կրթություն Երևանի պետական համալսարանում և ներկայումս ընդլայնում է իր մասնագիտական գիտելիքները՝ որպես մագիստրոս՝ Հայաստանի ամերիկյան համալսարանում:
