Արա Խզմալյանը «ԸԴՎԱՅԶ բիզնես և իրավաբանական խորհրդատվություն» ՍՊԸ-ի համահիմնադիրն է։ Ղեկավարում է կազմակերպության իրավաբանական խորհրդատվությունը:
Արան միջազգային վարկանիշներում ճանաչված է որպես Հայաստանի առաջատար իրավախորհրդատուներից մեկը, և հատկապես հայտնի է բարդ առևտրային գործարքների, M&A, կորպորատիվ իրավունքի, աշխատանքային իրավունքի, հարկային, մտավոր սեփականության և վարչական իրավունքի ոլորտներում իր փորձառությամբ: Արան հայտնի է բարդ և դժվարին խնդիրների համար նորարարական և պրակտիկ լուծումներ գտնելով:
Արան ունի շուրջ 20 տարվա մասնագիտական փորձ։ Մինչ 2015 թ.-ին ԸԴՎԱՅԶ խորհրդատվականը հիմնադրելը, նա շուրջ 10 տարի աշխատել է Պեռնո Ռիկար խմբի հայկական ընկերություններում (այդ թվում՝ 7 տարի ղեկավար պաշտոններում), աշխատել է որպես իրավախորհրդատու տեղական առաջատար իրավաբանական խորհրդատվական կազմակերպությունում։ Արան 2009 թ.-ից դասավանդում է Հայաստանի առաջատար ԲՈՒՀ-երում։ Արան հաջողությամբ լրացուցիչ արժեք է ապահովում բիզնեսի համար՝ իրավական ռիսկերի մեղմացման և օպտիմալ լուծումներ տալու միջոցով։ Իր հագեցած կարիերայի ընթացքում Արան ձևավորել է խորը պատկերացում Հայաստանում ու տարածաշրջանում բիզնեսի առջև ծառացող խնդիրների ու դրանց լուծման օպտիմալ եղանակների մասին։
Արան իրավաբանական գիտությունների թեկնածու է, նաև հանդիսանում է ՀՀ Փաստաբանների Պալատի անդամ և արտոնագրային հավատարմատար։ Նաև մարդու իրավունքների եվրոպական դատարանի ad hoc դատավոր է։