Ուրախ ենք տեղեկացնել, որ մեր գործընկեր Արա Խզմալյանը և ի․գ․թ. Հայկ Կուպելյանցը Միջազգային առևտրային պալատի (ICC) Տեղեկագրում հրապարակել են հոդված, որում ներկայացված են Հայաստանի արբիտրաժային օրենսդրության վերջին բարեփոխումները։
Հոդվածում ամփոփ արտացոլված են իրավական փոփոխությունները, որոնք Հայաստանի արբիտրաժային օրենսդրությունը մոտեցնում են միջազգային լավագույն փորձին:
Հիմնական բարեփոխումները․
Նախկինում օրենքի նեղ մեկնաբանությունը դատարաններին թույլ էր տալիս պնդել իրենց բացառիկ իրավազորությունը պայմանագրի վավերության վերաբերյալ վեճերի նկատմամբ: Արդյունքում՝ կողմերից մեկը կարող էր խուսափել արբիտրաժից՝ պարզապես պնդելով, որ պայմանագիրն անվավեր է, և հարցը բարձրացնել հայկական դատարանների առջև: 2023թ.-ին կատարված փոփոխությունն արմատապես վերանայում է այդ մոտեցումը. պայմանագրի վավերության վեճերն այժմ հաստատապես ներառվում են արբիտրաժային տրիբունալների իրավազորության շրջանակում:
Օրենքի իմաստով «առևտրային» վեճերի սահմանումն ընդլայնվել է՝ հստակ ընդգրկելով պայմանագրերի կնքման և վավերության վերաբերյալ վեճերը՝ արբիտրաժին ենթակա չլինելու վրա հիմնված առարկությունները կանխելու նպատակով։
Օրենքն այժմ պարունակում է արբիտրներին բացարկ հայտնելու հստակ հիմքեր և սահմանում է շահերի բախման կանոններ՝ ամրապնդելով ընթացակարգային արդարությունը և թափանցիկությունը:
Արբիտրաժային տրիբունալի վճիռները այժմ կարող են կատարվել ուղղակիորեն՝ առանց դատարանի ճանաչման (exequatur)՝ եթե.
Այս բարեփոխումները նշանակալի քայլեր են Հայաստանի արբիտրաժային ոլորտի զարգացման գործում․ դրանք նվազեցնում են ընթացակարգային ուշացումները, ապահովում են իրավական կայունությունը և ամրապնդում են վստահությունը արբիտրաժի՝ որպես վեճերի լուծման արդյունավետ միջոցի, նկատմամբ:
Հլս 16 2025
Հնս 03 2025