Հկտ 08 2025

Մեկնարկեց «Փախստականների Աջակցության Պատուհան Հայաստանի համար» նախագիծը

Ուրբաթ, սեպտեմբերի 19-ին EU4Business-EBRD Credit Line Armenia ծրագրի ներքո պաշտոնապես մեկնարկեց «Փախստականների Աջակցության Պատուհան Հայաստանի համար» նախագիծը։ 2021 թվականից մեր թիմը տեղական մակարդակում համակարգում է EU4Business-EBRD վարկային գծի տեխնիկական աջակցությունը։

EU4Business-EBRD վարկային գիծը ԵՄ-ի և ՎԶԵԲ-ի համատեղ նախաձեռնություն է, որը աջակցում է հայաստանյան ՓՄՁ-ներին ֆինանսավորել ներդրումային նախագծեր և ամրապնդել իրենց մրցունակությունն ու արտահանման ներուժը։ Նոր բաղադրիչի շնորհիվ ծրագիրը ընդլայնվում է՝ առաջարկելով ավելի ներառական և ազդեցիկ մոտեցում․ աջակցելով ինչպես Լեռնային Ղարաբաղից փախստականների կողմից հիմնված բիզնեսներին, այնպես էլ փախստականներին աշխատատեղերով ապահովող տեղական ընկերություններին։

Ծրագրի շրջանակներում տրամադրվում են ֆինանսավորում, խորհրդատվական աջակցություն և վարկի գումարի մինչև 35%-ի չափով խրախուսական դրամաշնորհներ։

Փախստականների աջակցության նախաձեռնության շրջանակում մոտ 44 մլն եվրո ֆինանսավորում և ավելի քան 10 մլն եվրո դրամաշնորհ հասանելի կդառնա տեղական բիզնեսներին՝ ներդրումներ իրականացնելու և նոր հնարավորություններ ստեղծելու համար։