Կարէնը միացել է ընկերությանը իր հետ բերելով ֆինանսական, կորպորատիվ և գործարքային իրավաբանության ոլորտում իր գրեթե 20 ամյա փորձառությունը: Հատկապես մեծ փորձ ունի խոշոր վարկային ֆինանսավորման (այդ թվում ՝ նախագծային և ենթակառուցվածքային), ֆինանսական ինստիտուտների և կապիտալի շուկաների կարգավորման, բարդ ֆինանսական գործարքների հարցերում։ Հաճախորդների կողմից բարձր գնահատականի է արժանացել հատկապես արտասահմանյան տարրով և միջազգային ընգրկմամբ գործարքներում ունեցած մասնակցության համար։ Իր քսանամյա մասնագիտական գործունեության ընթացքում Կարէնը հանդես է եկել որպես խորհրդատու և ներկայացրել է մի շարք ֆինանսական հաստատությունների շահերը տարբեր տեսակի ապահովված և չապահովված վարկային գործարքներում, ներառյալ ներքին և միջազգային բազմամիլիոնանոց սինդիկացված վարկեր, կապիտալի շուկաների միջոցով ֆինանսավորման կազմակերպում, ներառյալ միջազգային և տեղական IPO-ներ, պարտատոմսերի ցուցակման և տեղաբաշխման գործարքներ, ածանցյալ գործարքներով պայմանգրեր (ներառյալ ICMA ստանդարտ փաստաթղթերը), պարտքերի վերակազմավորում և այլն:
Հասարապես խորը տիրապետելով կորոպորատիվ իրավունքի առանձնահատկություններին՝ Կարէնը նաև հանդես է եկել որպես Հայաստանում վերջին տասնամյակների ընթացքում տեղի ունեցած՝ միաձուլումների և ձեռքբերումների, բաժնետիրական կապիտալի և բաժնեմասնակցային խոշորագույն ներդրումային նախագծերի հարցերով առանցքային խորհրդատու՝ հիմնականում այնպիսի ոլորտներում ինչպիսիք են ֆինանսական ծառայությունները, հանքարդյունաբերությունը, էներգետիկան, հեռահաղորդակցությունը։
ՀՀ Կենտրոնական բանկում (ֆինանսական հատվածի կարգավորիչ) աշխատելու ընթացքում Կարենը մասնագիտացել է նաև ֆինանսական ծառայությունների կարգավորման եւ օրենսդրական նախագծման ոլորտում ՝ հատկպաես բանկերի և ֆինանսների, արժեթղթերի շուկայի և ընդհանուր ներդրումային միջավայրի կարգավորման հարցերում։
Կարէնը իրավաբանական գիտությունների թեկնածու է, դասավանդում ՀՀ համալսարաններում, հանդիսանում է ՀՀ Փաստաբանների Պալատի անդամ։
