Արա Խզմալյանը ADWISE-ի համահիմնադիրն է․ ղեկավարում է ընկերության իրավաբանական խորհրդատվության ուղղությունը:
Արան Հայաստանի առաջատար իրավաբաններից է, հատկապես ճանաչված է բարդ առևտրային գործարքների, միաձուլումների և ձեռքբերումների, կորպորատիվ իրավունքի, աշխատանքային իրավունքի, հարկային իրավունքի, մտավոր սեփականության իրավունքի և վարչական իրավունքի ոլորտներում մատուցված ծառայությունների համար: Արան հայտնի է նրանով, որ նորարարական և գործնական լուծումներ է գտնում բարդ հարցերի համար։ Ունի շուրջ 20 տարվա աշխտանքային փորձ։ Նախքան 2015-ին ADWISE Consulting-ում իրավաբանական պրակտիկա զարգացնելը, նրա կարիերան զարգացել է խոշոր ընկերություններում լրիվ դրույքով աշխատելու (ներառյալ 7 տարի ղեկավար պաշտոններում) և տեղական առաջատար իրավաբանական գրասենյակում արտաքին իրավաբանական խորհրդատու փորձի տպավորիչ համադրությամբ:
Իր բազմազան փորձի շնորհիվ Արան ձեռք է բերել զարգացող շուկաներում բիզնեսի ռազմավարական զարգացման և արդյունավետ կորպորատիվ կառավարման, նորմատիվ-իրավական դաշտի և հիմնական խնդիրների խորը ընկալում, որի շնորհիվ բազմիցս ապացուցել է բիզնեսին արժեք ավելացնելու իր կարողությունը ՝ ակտիվորեն նվազեցնելով իրավական ռիսկերը և ապահովելով օպտիմալ լուծումներ:
Արան ունի իրավաբանի մասնագիտական կրթություն և իրավաբանական գիտությունների թեկնածուի գիտական աստիճան: 2009 թվականից դասավանդում է Հայաստանի առաջատար համալսարաններում: Հայաստանի Հանրապետության փաստաբանների պալատի անդամ է և Հայաստանի Հանրապետության արտոնագրային հավատարմատար: Ներկայումս Արան նաև ad hoc-ի դատավոր է Մարդու իրավունքների եվրոպական դատարանում:
