Աստղիկ Բաբայանը իրավաբան է՝ պայմանագրային, կորպորատիվ, աշխատանքային, մտավոր սեփականության իրավունքի, անձնական տվյալների պաշտպանության իրավունքի ոլորտներում փորձառությամբ։ 2023 թվականի հոկտեմբերից նա միացել է ԸԴՎԱՅԶ Բիզնես և Իրավաբանական խորհրդատվություն ընկերությանը և ակտիվորեն մասնակցում է տարբեր տեսակի իրավական փաստաթղթերի մշակմանն ու վերանայմանը, ներառյալ՝ առևտրային պայմանագրեր, քաղաքացիաիրավական, աշխատանքային պայմանագրեր, մարդկային ռեսուրսների կառավարմանը վերաբերող փաստաթղթեր, ինչպես նաև՝ կորպորատիվ փաստաթղթեր առևտրային և ոչ առևտրային կազմակերպությունների համար։ Նրա պարտականությունները ներառում են նաև իրավաբանական անձանց գրանցման փաթեթների պատրաստում, կորպորատիվ և բաժնետիրական կառուցվածքներում կատարվող փոփոխությունների իրավական ձևակերպում և կազմակերպաիրավական փոփոխությունների ընթացքում իրավական աջակցություն։ Բացի այդ, Աստղիկը կատարում է խորացված իրավական հետազոտություն և վերլուծություն տարբեր իրավական ոլորտներում՝ նպաստելով իրավական կարծիքների և եզրակացությունների մշակմանը։
Իր ներկայիս պաշտոնը ստանձնելուց առաջ Աստղիկը ձեռք է բերել արժեքավոր փորձ իրավաբանական պրակտիկայի և ծրագրերի համակարգման ոլորտում՝ աշխատելով Արցախի Հանրապետության Արդարադատության նախարարությունում, մի շարք ՀԿ-ներում։ Այս աշխատանքները նրան թույլ են տվել ամուր հիմք ստեղծել փաստաթղթերի կազմման, նորմատիվ դաշտի հետազոտության և վարչական գործընթացների իմացության մեջ։ Աստղիկն ունի իրավաբանական բակալավրի աստիճան Երևանի Պետական Համալսարանից, ուր տեղափոխվել է Արցախի Պետական Համալսարանից։ Նա տիրապետում է հայերենին (մայրենի), ռուսերենին և անգլերենին, ինչը հնարավորություն է տալիս արդյունավետ աջակցել հաճախորդներին և աշխատել բազմաբնույթ մասնագիտական միջավայրում։
